Misión, visión e valores
CINBIO, investigadores e investigadoras do máis alto nivel
O noso obxectivo fundamental é multiplicar o retorno á sociedade e protexer o futuro da investigación en forma de profesionais e de transferencia do coñecemento científico. Para asegurar o futuro da investigación, desde o centro tratamos de espertar a inquietude de mozas e mozos investigadores e atraer o talento de investigadoras e investigadores consolidados co fin de desenvolver un centro de investigación multidisciplinario de referencia e con prestixio internacional.
A nosa meta é consolidar o CINBIO como centro de referencia para a innovación en sectores como o ámbito biotecnolóxico e biomédico, a través da excelencia e a súa proximidade ás necesidades da sociedade.
Tendo en conta todo isto, e en consonancia coas estratexias europea, nacional e autonómica da saúde, a misión do CINBIO é crear e transferir coñecemento e innovación nos campos biomédico e biotecnolóxico, sempre baixo un enfoque colaborativo e multidisciplinario. Para acadala, traballamos diariamente co fin de reforzar a capacidade de investigación dos grupos e o seu posicionamento internacional; levamos a cabo investigacións de calidade, desenvolvemos infraestruturas; colaboramos en programas de investigación conxuntos con outras entidades tanto nacionais coma internacionais; participamos en programas docentes para incrementar o número de profesionais nos campos da biomedicina e da bioteconoloxía; e promovemos a explotación dos resultados de investigación a través de contratos, patentes e licenzas e creación de novas empresas (spin-off). Ademais, apostamos pola redución do desequilibrio existente aínda hoxe entre homes e mulleres na ciencia e na tecnoloxía, así como en postos de liderado científico, nun centro no que máis da metade do persoal científico investigador son máis dun 35% ocupa postos de liderado.