News
O Centro de Investigación en Nanomateriais e Biomedicina (CINBIO) da Universidade de Vigo xa é membro da Plataforma Tecnológica Española de Materiales Avanzados y Nanomateriales (MATERPLAT), creada no ano 2008 co fin de fomentar e promocionar a innovación no sistema de I+D+i nacional, como ferramenta clave para a mellora e o incremento da competividade no ámbito dos Materiais e Nanomateriais.
Para nós é un orgullo compartir espazo co resto de entidades socias, formando parte do sistema de innovación nacional no ámbito dos materiais e nanomateriais e establecendo sinerxías na procura de novas solucións.
