14 January 2025Estudantes do CIFP Manuel Antonio visitan o servizo de citometría do CINBIO

Afondar no funcionamento dun equipo de citometría de fluxo. Este foi o propósito principal co que 20 estudantes do Ciclo FP Grao Superior de Laboratorio Clínico e Biomédico do CIFP Manuel Antonio de Vigo se achegaron esta mañá ata as instalacións do Centro de Investigación en Nanomateriais e Biomedicina da Universidade de Vigo, CINBIO. 

A responsable do servizo de Citometría de Fluxo do CINBIO, Mercedes Peleteiro, foi a encargada de guiar esta visita de arredor de dúas horas de duración, na que o alumnado que, no seu centro estuda un módulo de Técnicas de Inmunodiagnóstico, puido achegarase á práctica desta técnica a través do citómetro de fluxo do CINBIO.