News
Únete ao CINBIO | Convocatoria candidaturas Ramón y Cajal e Juan de la Cierva
Buscamos talento
Desde o centro de investigacións CINBIO da Universidade de Vigo temos interese en incorporar investigadoras e investigadores postdoutorais con experiencia en áreas de investigación relacionadas coa biomedicina e os nanomateriais a través de contratos dentro dos programas Juan de la Cierva 2022 e Ramón y Cajal (RYC) 2022 da Agencia Española de Investigación (AEI), que ofrecen a oportunidade de presentarse a persoal investigador en posesión do título de Doutor.
As bases das convocatorias poden consultarse nas seguintes ligazóns:
> Axudas para contratos Ramón y Cajal (RYC) 2022
- Prazo de solicitude: 19/01/2023 - 09/02/2023
> Axudas para contratos Juan de la Cierva 2022
- Prazo de solicitude interno para candidaturas a través da Universidade de Vigo: ata o 24 de xaneiro ás 15:00 horas.
- Máis información sobre o proceso interno da Universidade de Vigo.
Únete ao CINBIO
O centro de investigacións CINBIO está formado por un total de dezanove grupos de investigación, contando con catro grupos júnior, materializando así a aposta do centro polo novo talento investigador.
O CINBIO é un espazo formado por máis de 200 persoas: profesores/as, doutores/as, estudantes de doutoramento e técnicos/as de laboratorio. Un esforzo da Universidade de Vigo para desenvolver o ámbito biomédico e dos nanomateriais cun elemento diferencial respecto doutros centros de similares características: a súa multidisciplinariedade. Contamos con investigadores e investigadoras do máis alto nivel en varias disciplinas: medicina, bioloxía, química, física, matemáticas e informática.
O noso obxectivo fundamental é multiplicar o retorno á sociedade e protexer o futuro da investigación en forma de profesionais e de transferencia do coñecemento científico. Desde o centro buscamos espertar a inquietude de mozas e mozos investigadores e atraer o talento de investigadoras e investigadores consolidados.
A nosa meta é consolidar o CINBIO como centro de referencia para a innovación en sectores como o ámbito biomédico e dos nanomateriais, a través da excelencia e a súa proximidade ás necesidades da sociedade.
Áreas de investigación para impulsar a túa carreira científica:
- Biomedicina
- Nanomateriais
Posibles áreas temáticas:
- Bioloxía molecular e celular
- Ciencias e tecnoloxías medioambientais
- Biomedicina: Inmunidade, infección e inmunoterapia
- Ciencias Matemáticas
- Química e Ciencias e tecnoloxías químicas
- Tecnoloxías da información e das comunicacións
- Microelectrónica, nanotecnoloxía e fotónica
- Biomedicina
- Biomedicina: Fisiopatoloxía de órganos e sistemas (FOS)
- Endocrinoloxía e metabolismo
Contacta connosco
As persoas interesadas poden contactar connosco enviando un correo electrónico co asunto “Contratos RyC“ ou “Contratos JdC” a cinbio.dir.ugestion@uvigo.es
