Events
Ven coñecer a 'Ciencia con C de CINBIO'!
Un ano máis, o Centro de Investigación en Nanomateriais e Biomedicina da Universidade de Vigo (CINBIO) celebra o seu ciclo de divulgación científica "Ciencia con C de CINBIO" co principal obxectivo de dar a coñecer ao público xeral as investigacións e a ciencia que se está a levar a cabo na actualidade no centro, dando visibilidade ao traballo diario do #teamCINBIO.
Se tes curiosidade e queres experimentar coa ciencia, esta é a túa oportunidade!
Ciencia na rúa - Vigo
Para ir quentando motores, estaremos a pé de rúa!
O martes 9 de setembro de 16:30 a 20:30 horas estaremos no centro comercial A Laxe cunha carpa informativa e lúdica chea de curiosidades científicas, xogos e algunha que outra sorpresa.
Búscanos a carón da entrada da planta baixa do centro comercial, preto das terrazas, e poderás coñecer de preto ás científicas e científicos de grupos de investigación como o de Biomasa e Desenvolvemento Sostible (EQ-2) e o de Evolución Molecular Computacional (CME), que ofrecerán ao público vigués experiencias tan interesantes como a formulación de divertidos biomateriais en diferentes formatos, desde esferificacións ata xeles de cores, ou xogos cos que explicarán dun xeito sinxelo como funciona a evolución dos organismos.
Xornada de Portas Abertas do CINBIO - visita o centro de investigación
O venres 12 de setembro a partir das 16:00 horas CINBIO celebrará unha xornada de portas abertas na que poderás visitar as nosas instalacións do campus universitario de Vigo. Unha actividade de balde e para todos os públicos, na que será necesario reservar praza.
Máis información en https://cinbio.es/cienciaconcdecinbio/
Trátase dunha iniciativa cofinanciada pola Xunta de Galicia e pola Unión Europea (Fondos FEDER).
Co obxectivo de que este evento siga medrando e mellorando ano tras ano, resulta moi valioso para nós coñecer as vosas impresións e propostas. Por iso, animámosvos a completar esta breve enquisa de satisfacción:
