Eventos
O proxecto “Falemos de ciencia en igualdade” pretende desenvolver unha xornada na que se destaquen as bondades da comunicación e divulgación de ciencia: facendo especial fincapé no uso da perspectiva de xénero, a importancia de visibilizar a muller tanto como protagonista na ciencia como na investigación e fomentando a comunicación inclusiva dende a perspectiva de xénero. Trátase dunha formación transversal para deseñar estratexias de comunicación e divulgación das investigacións que teñan en conta a dimensión de sexo-xénero e a perspectiva de xénero, tal e como recomendan os obxectivos de igualdade recollidos no programa Horizon Europe.
OBXECTIVOS
- Concienciar á comunidade investigadora e ao estudantado da importancia de facer divulgación e comunicación do traballo de investigación realizado.
- Introducir a perspectiva de xénero na comunicación e na divulgación para promover a igualdade entre homes e mulleres.
- Claves para presentar as investigacións de xeito atractivo e captar ao público.
- Concienciar á comunidade científica feminina da especial importancia da súa divulgación para crear roles en ciencia para nenas e mozas adolescentes, futurascientíficas.
Trátase dunha acción formativa desenvolvida e patrocinada no marco das axudas da Unidade de Igualdade da Universidade de Vigo para a organización de actividades que contribúan á sensibilización en materia de xénero e á transmisión de valores igualitarios na institución académica. Actividade recoñecida con créditos.
9.00h Presentación
Águeda Gómez, directora da Unidade de Igualdade da Universidade de Vigo
Diana Valverde, subdirectora do CINBIO
9.30h - 10.30h - Sesgo de xénero en divulgación científica
Rompendo coas limitacións visibles e invisibles que atopan as mulleres investigadoras na súa produción científica.
Cintia Refojo Seronero - Responsable da Unidade para o Avance da Comunicación Científica da Fundación Española para la Ciencia y la Tecnología (FECYT).
10.30h - 11.30h - Por que tan poucas? Visibilizando mulleres ao mando
A importancia da creación de equipos e espazos liderados por mulleres e en postos de maior responsabilidade. Concienciación sobre a importancia dos roles femininos en ciencia.
Teresa Piñeiro - Profesora titular da Área de Comunicación Audiovisual e Publicidade da Universidade da Coruña.
11.30h - 12.30h - Impulsando o contido das científicas: ciencia, divulgación e xénero
Concienciación da brecha en base a visibilidade das científicas.
Maider Eizmendi - Profesora do Departamento de Xornalismo da Universidad del País Vasco (UPV/EHU).
12.30h - 13.00h Pausa café
13.00h Coloquio aberto - Situación da muller na ciencia dende a perspectiva de xénero e experiencias persoais
Lugar: na Sala 1 do Edificio Miralles (Campus Vigo)
