A ciencia non só se aprende nos libros: descóbrese preguntando, experimentando e dialogando con quen a fai posible cada día. Este catálogo de charlas divulgativas achega aos centros educativos a científicas e científicos de distintas disciplinas, dispostos a compartir o seu coñecemento, a súa experiencia e, sobre todo, a súa paixón por comprender o mundo que nos rodea.

A través de encontros dinámicos e adaptados a cada nivel educativo, o alumnado poderá coñecer como se investiga hoxe, que retos afronta a ciencia e de que maneira inflúe na nosa vida cotiá. Estas charlas buscan espertar a curiosidade, fomentar o pensamento crítico e amosar referentes reais que inspiren vocacións científicas e tecnolóxicas.

Convidamos á comunidade educativa a explorar este catálogo como unha oportunidade para enriquecer a aprendizaxe na aula, conectar a teoría coa realidade e abrir fiestras ao futuro desde a ciencia.

Se queres informarte para solicitar algunha charla do catálogo para o teu instituto, ponte en contacto connosco e tentaremos coordinalo!