CINBIO ofrece ao alumnado de educación secundaria de Galicia a oportunidade de participar en proxectos reais de investigación no marco do programa STEMbach. A través da colaboración directa entre persoal investigador e centros educativos, o estudantado poderá achegarse ao método científico, coñecer de primeira man como se desenvolve a investigación e aplicar os coñecementos STEM a retos actuais.

Velaquí os proxectos ofertados:

• Biopolímeros intelixentes con potenciais aplicacións en biomedicina
• Descubrindo o mundo dos nanomateriais: utilización de puntos cuánticos fluorescentes como sensores
• Fertilizantes verdes empregando enerxía solar
• Oscilacións e resonancias: conectando a nanotecnoloxía co mundo cotián
• Encapsulación de biomoléculas con actividade biolóxica para aplicación en biomedicina

Estes proxectos están pensados para fomentar as vocacións científicas e tecnolóxicas, desenvolver o pensamento crítico e fortalecer a conexión entre a ciencia e a educación, contribuíndo á formación de mozos e mozas con interese polo coñecemento e a innovación.

Coordinador STEMbach do Centro de Investigación en Nanomateriais e Biomedicina (CINBIO):

Miguel Ángel Correa Duarte