Eventos
O proxecto “Falemos de ciencia en igualdade” xurdiu no ano 2020 para promover unha comunicación de ciencia máis inclusiva e equitativa no ámbito científico así como fomentar a visibilización das mulleres científicas. Unha formación transversal coa que, ano tras ano, pretendemos axudar ás persoas participantes a deseñar estratexias de divulgación científica que consideren a dimensión de sexo-xénero e a perspectiva de xénero.
Nesta sexta edición, que se celebrará o venres 10 de outubro de 2025, imos poñer o foco na Wikipedia como ferramenta de divulgación, unha plataforma moi utilizada pero que na actualidade mostra unha grande fenda de xénero: menos do 25% de presencia de biografías femininas, fronte as masculinas. Queremos visibilizar a muller tanto como protagonista na ciencia como na investigación e fomentar a comunicación inclusiva desde a perspectiva de xénero, visibilizando o traballo da muller científica e asegurando que o futuro da ciencia remate coa fenda de xénero nas STEM.
Ademais o CINBIO, Centro de Investigación en Nanomateriais e Biomedicina da Universidade de Vigo,
lidera un novo proxecto co que se pretende incluír mulleres científicas galegas na Wikipedia. A través desta xornada, achegarase dito proxecto ás persoas asistentes, animándoas a ser partícipes do mesmo, e daranse as claves para convertirse en editora de Wikipedia, así como recomendacións para mellorar a redacción de textos divulgativos inclusivos.
Trátase dunha acción formativa desenvolvida e patrocinada no marco das axudas da Unidade de Igualdade da Universidade de Vigo para a organización de actividades que contribúan á sensibilización en materia de xénero e á transmisión de valores igualitarios na institución académica.
PROGRAMA
VI edición de FALEMOS DE CIENCIA EN IGUALDADE: Por unha Wikipedia científica e galega
9.00h | Apertura da xornada
Benvida institucional e presentación da xornada a cargo de:
- Belén Rubio Armesto, vicerreitora de Investigación, Transferencia e Innovación da Universidade de Vigo.
- Mar Fernández Cendón, técnica superior da Unidade de Igualdade da Universidade de Vigo.
- Diana Valverde Pérez, subdirectora do CINBIO e investigadora principal do Laboratorio de Enfermidades Raras.
9.15h | Mulleres comunicando ciencia. A situación da comunicación e a divulgación científica dende a perspectiva de xénero.
- Emma Torres Romay, decana e profesora titular da Facultade de Comunicación da Universidade de Vigo.
10.00h | A visibilidade das mulleres STEM en Wikipedia.
- Isabel Zapico Gómez, wikipedista desde 2019 e membro do equipo motor de Wikiesfera, traballa para pechar a fenda de xénero en Wikipedia.
10.45h | Wiki Editoras Lx. Coñecemento libre e equidade.
- Maite Sobrino González, consultora, wikimedista e responsable de Recadación de Fondos e Desenvolvemento Organizacional en Wiki Editoras Lx.
11.30h | Pausa café e networking
12.00h | Presentación do proxecto Máis científicas galegas na Wikipedia, liderado polo CINBIO.
- Lucas Vázquez Besteiro, investigador do grupo TeamNanoTech (TNT) e membro do Comité de RRI, Igualdade e non discriminación do CINBIO.
12.15h | Primeras recomendacións para editar na Wikipedia.
- Isabel Zapico, wikipedista e membro do equipo motor de Wikiesfera.
- Sabela Cebro, membro do equipo da WikiMorada, Nodo de Wikiesfera en Vigo.
13.15h | Coloquio aberto
- Modera: Emma Torres Romay EMMA TORRES ROMAY
- Participan: Isabel Zapico Gómez, Maite Sobrino González e Sabela Cebro.
14.30h | Aperitivo-networking
#HR #SomosCIGUS #FondosEuropeos
DATA: Venres 10 de outubro de 2025
LUGAR: Sala de formación do Espazo INCUVI (Campus Universitario de Vigo)
Para asistir é necesario inscribirse previamente a través do seguinte formulario:
O CINBIO é un centro de investigación cofinanciado con fondos FEDER e adscrito á rede de centros CIGUS (Centros de Investigación del Sistema Universitario de Galicia), promovida e financiada pola Xunta de Galicia.
