News
Únete ao CINBIO | Convocatoria candidaturas para axudas FPU 2022
Buscamos talento
Desde o centro de investigacións CINBIO da Universidade de Vigo temos interese en incorporar estudantes de doutoramento, para realizar a súa tese doutoral nas áreas de investigación relacionadas cos nanomateriais e/ou a biomedicina, a través de contratos dentro das “Axudas para la formación de profesorado universitario FPU 2022”
Toda a información das axudas e a guía de solicitudes pode consultarse na seguinte ligazón:
> Axudas para a formación de profesorado universitario FPU 2022
- Prazo de solicitude: 17/01/2023 - 15/02/2023
Únete ao CINBIO
O centro de investigacións CINBIO está formado por un total de dezanove grupos de investigación, contando con catro grupos júnior, materializando así a aposta do centro polo novo talento investigador.
O CINBIO é un espazo formado por máis de 200 persoas: profesores/as, doutores/as, estudantes de doutoramento e técnicos/as de laboratorio. Un esforzo da Universidade de Vigo para desenvolver o ámbito biomédico e dos nanomateriais cun elemento diferencial respecto doutros centros de similares características: a súa multidisciplinariedade. Contamos con investigadores e investigadoras do máis alto nivel en varias disciplinas: medicina, bioloxía, química, física, matemáticas e informática.
O noso obxectivo fundamental é multiplicar o retorno á sociedade e protexer o futuro da investigación en forma de profesionais e de transferencia do coñecemento científico. Desde o centro buscamos espertar a inquietude de mozas e mozos investigadores e atraer o talento de investigadoras e investigadores consolidados.
A nosa meta é consolidar o CINBIO como centro de referencia para a innovación en sectores como o ámbito biomédico e dos nanomateriais, a través da excelencia e a súa proximidade ás necesidades da sociedade.
Áreas de investigación para desenvolver a túa carreira científica
- Biomedicina
- Nanomateriais
Contacta connosco
As persoas interesadas poden contactar connosco enviando un correo electrónico co asunto “Contratos FPU” a cinbio.dir.ugestion@uvigo.es
