Eventos
Ven coñecer a 'Ciencia con C de CINBIO'!
Un ano máis, o Centro de Investigación en Nanomateriais e Biomedicina da Universidade de Vigo (CINBIO) celebra o seu ciclo de divulgación científica "Ciencia con C de CINBIO" co principal obxectivo de dar a coñecer ao público xeral as investigacións e a ciencia que se está a levar a cabo na actualidade no centro, dando visibilidade ao traballo diario do #teamCINBIO.
Se tes curiosidade e queres coñecer a resposta a preguntas científicas ou experimentar coa ciencia, esta é a túa oportunidade!
Ciencia na rúa - Ourense e Vigo
Para ir quentando motores, estaremos a pé de rúa!
O xoves 5 de setembro estaremos na Rúa do Paseo de Ourense e o martes 10 de setembro na rúa do Príncipe de Vigo cunha carpa informativa e lúdica chea de curiosidades científicas, xogos e algunha que outra sorpresa.
Poderás achegarte ata a nosa carpa entre as 16:00 e as 20:00 horas e coñecer de preto ao persoal do #teamCINBIO.
Xornada de Portas Abertas do CINBIO - visita o centro de investigación
O venres 13 de setembro chega o gran día!
Arredor das 16:00 horas, o Centro de Investigación en Nanomateriais e Biomedicina (CINBIO) abrirá as súas portas para acoller unha visita nas súas instalacións do campus universitario de Vigo.
Arredor de 70 persoas poderán visitar ao longo de tres horas os distintos laboratorios do centro e participar en experimentos organizados polas investigadoras e investigadores do #teamCINBIO. Ademais, a visita incluirá uns petiscos.
Para poder asistir é necesario reservar praza. É de balde a para todos os públicos!
Entra en https://cinbio.es/cienciaconcdecinbio/ para reservar a túa praza!
