Servizo de apoio a investigación
Unidade de xestión de ciencia
A unidade de xestión de ciencia ofrécelle apoio na xestión da innovación e a ciencia ao seu persoal investigador. Unha iniciativa que ten como obxectivo facilitar a carreira e o desenvolvemento dos investigadores/as, proporcionando un contorno favorable para a investigación e a produción de coñecemento.
A principal tarefa da unidade de xestión de ciencia céntrase na busca e na identificación de oportunidades de financiamento para apoiar a investigación, así como as decisións estratéxicas do centro xunto coa dirección científica e a transferencia dos resultados científicos.
Esta unidade de xestión de ciencia encárgase tamén da transmisión das investigacións e o coñecemento xerado, a concienciación da importancia e a repercusión do labor investigador e o aumento da cultura científica na sociedade. Tres obxectivos estratéxicos prioritarios dun centro de investigación como o CINBIO.
Persoal unidade de xestión de ciencia
Servizos de apoio
O persoal investigador do CINBIO conta tamén con múltiples servizos horizontais que facilitan o seu traballo no día a día.
Contamos con varios laboratorios comúns con equipos adaptados ás necesidades do persoal e que contan con persoal técnico responsable, altamente cualificado, que favorece a actividade investigadora.
Persoal técnico dos servizos de apoio