Eventos
COLOQUIO "TODAS SOMOS CIENCIA"
Localización: Sala de exposicións Museo MARCO, Vigo
Día e hora: Venres 7 de febreiro de 10:00 a 12:00 horas.
Necesaria inscrición previa (formulario embaixo). As prazas cubriranse por orde de inscrición, sen superar o aforo permitido. Confirmarase a praza vía correo electrónico.
- Actividade orientada a estudantes de 5º e 6º de Primaria.
Con motivo da conmemoración do Día Internacional da Muller e da Nena na Ciencia, o CINBIO e a SEBBM organizan conxuntamente un coloquio co fin de fomentar as vocacións científicas entre a rapazada.
A ciencia é un gran crebacabezas no que cada peza ten un papel esencial. Neste evento reunimos a persoas de diversas traxectorias (licenciadas en química, farmacia, veterinaria, física, tradución, comunicación...) que contribúen, desde distintas perspectivas, ao avance do coñecemento: científicas dedicadas á investigación, xestoras que coordinan recursos e proxectos, comunicadoras que achegan os descubrimentos á sociedade. Especialistas de múltiples disciplinas que suman e achegan á ciencia e á sociedade.
Este encontro recolle a diversidade de roles e experiencias, lembrándonos que o progreso na ciencia é froito dunha colaboración interdisciplinar na que cada contribución, grande ou pequena, encaixa para completar o crebacabezas.
Participarán no evento:
- Guadalupe Sabio, investigadora no CNIO
- María D. Mayán, investigadora no CINBIO
- Verónica Salgueiriño, investigadora no CINBIO
- Begoña Puértolas, investigadora no CINBIO
- Noa Caramés, xestora no CINBIO
- Margarita Vázquez, investigadora no CINBIO
- Carlos Renero, investigador no CINBIO
- Noel Queipo, comunicación no CINBIO
PRAZAS CUBERTAS
