Queredes visitar o CINBIO?

O CINBIO abre as portas dos seus laboratorios para que o alumnado de Secundaria e Bacharelato viva a ciencia en primeira persoa.

Queredes descubrir como é o día a día nun verdadeiro centro de investigación?

Durante tres horas cheas de experimentos, descubrimentos e retos, o estudantado poderá entrar en laboratorios profesionais, participar en actividades científicas, coñecer persoal investigador e experimentar coa ciencia dunha forma práctica, divertida e sorprendente.

A visita permitirá achegarse ao traballo que se realiza no CINBIO en ámbitos punteiros como os nanomateriais e a biomedicina, vendo de preto como a investigación que se fai en Vigo pode cambiar o futuro.

E para rematar a experiencia…

Contaremos cun escape room científico no que o alumnado terá que resolver retos, superar desafíos e traballar en equipo para poñer a proba todo o aprendido na xornada.

Tres horas diferentes, dinámicas e cheas de ciencia REAL para espertar a curiosidade, aprender e divertirse como auténticos investigadores e investigadoras.

Achégate á ciencia, vén a CINBIO!