Novas
Achegar o coñecemento científico á cidadanía a través de actividades divugaltivas é un dos obxectivos cos que o persoal investigador do CINBIO recibe nos seus laboratorios visitas de diferentes colectivos de toda a sociedade e de todas as idades.
Con esta idea como base, este mércores recibimos no CINBIO a visita dun grupo de estudantes do Programa Universitario de Maiores (PUM) da Universidade de Vigo, que puideron comprobar en primeira persoa o papel clave da investigación no progreso social. Guiados pola súa profesora Mercedes Peleteiro, responsable do servizo de Citometría de Fluxo do CINBIO, tiveron a oportunidade de participar en diferentes obradoiros, representantivos da multidisciplinariedade que caracteriza a este centro de investigación especializado en nanomateriais e biomedicina, adscrito á Universidade de Vigo e pertencente á Rede CIGUS.
Durante a súa estadía, visitaron o laboratoiro de Inmunoloxía e o de Histoloxía do centro, ademais de coñecer o traballo realizado polo grupo de Nanomateriais Biomiméticos.
CINBIO conta co recoñecemento CIGUS da Xunta de Galicia, que acredita a calidade e impacto da súa investigación.
Como centro adscrito á rede CIGUS (Centros de Investigación do Sistema Universitario de Galicia) está cofinanciado con Fondos Europeos
#teamCINBIO #RedeCIGUS #FondosEuropeos
