Novas
A curiosidade científica non entende de idades. Así o demostrou esta mañá durante a súa visita ao CINBIO un grupo de 25 estudantes que cursan a materia "Fisioloxía humana e saúde" dentro do Programa Universitario de Maiores (PUM) da Universidade de Vigo.
Acompañados pola súa profesora Mercedes Peleteiro, responsable do servizo de Citometría de Fluxo do CINBIO, o entusiasta grupo tivo a oportunidade de participar en tres obradoiros diferentes ao longo das dúas horas que durou a visita.
Na súa estadía coñeceron de preto o traballo que realizan a investigadora Carmen Hervés e os investigadores Carlos Renero, Andrés Serrano e Adrián Hervés no laboratorio de Nanomateriais Biomiméticos. A seguintes paradas foron no laboratorio de Inmunoloxía, onde se achegaron ao traballo deste grupo da man de Silvia Lorenzo e Cristian Sánchez; e tamén vistaron o laboratorio de Histoloxía, acompañadas de Andrea Fernández e Olaya Gómez. Ademáis, puideron coñecer o Servizo de Bioexperimentación da man da súa responsable, Marina Peña.
Desde o CINBIO agardamos que fose unha experiencia para a lembranza!
